Түлектерге ақ жол!

Бұл күннің жүректерде жатталып қалары сөзсіз. Үлкен өмірге жолдама алып отырған жастардың жанарынан өз мамандығына деген кәсіби көзқарас, ұшқын байқалады. Жоғары агротехникалық колледжінің биылғы түлектері елімізге, жерімізге сіңіретін еңбектері мен көрсететін нәтижелері орасан зор болады деген сенімдеміз.  

Біздің колледжіміздің түлектерінің есімін мақтанышпен айтуға болады. Бүгін 41 «Өсімдікті қорғау агрономы», 41 «Жерге орналастыру», 41 «Элеватор» және 42 «Агроном» топтарының түлектері диплом иегері атанды!

Дипломдарыңыз құтты болсын! Көпшіліктеріңіздің жүректеріңізде аялап жүрген армандарыңыз бар, ол өз мамандықтарыңыз бойынша қызметке орналасу. Сіздерді болашақта биік орындардан көретін болайық. Соған шын жүректен тілектеспіз!

Құрметті колледж түлектерінің ата-аналары! Сіздердің өсірген балаларыңыз бүгін, өздерінің үлкен нәтижелерін көрсетіп, диплом алып отыр. Оның өзі сөзсіз үлкен мақтанышқа лайық.

Бұл шынында да қуанышты сәт. Ешқашан ұмытылмайтын, естен кетпейтін шақ. Алар орны да, мағынасы да терең сәт. «Қашан диплом алатын күнге жетер екенбіз!», - деген жүрек дүрсілінің қуанышты қауышқан сәті.

Жолың болсын, жас маман!