«Поэзия әлеміне саяхат»

         Агробизнес колледжінің кітапханасында 8-ші ақпан күні «Поэзия әлеміне саяхат» атты іс-шара өткізілді. Бұл іс-шараға 1-2 топ студенттері ат салысты. Сонымен қатар, аталмыш шараға барша кітапхана оқырмандары мен қауымдары қатысты. Оқырмандардың көзайымына  айналған бұл іс-шара жас ұрпақтың қызығушылықтарын, білімге деген сүйіспеншіліктерін арттырады.

         Бұл іс-шарада әрбір студент өзінің сүйікті ақын-жазушылардың өлеңдерін мәнерлеп  оқып берді. Бірнеше студенттер мадақтамалармен марапатталды.  Соның ішінде ерекше көзге түскен студенттер мыналар: Қоқан Жарас өзінің Сәкен Сейфуллинге арнап шығарған өлеңін оқыса, Бердібек Бағлан мен Жақсылық Жандос

орыс әдебиетінен оқыды. Және де Ерназар Аяжан Мұқағали Мақатаевтың  «Аққудың қанатына жазылған жыр» атты өлеңін оқып жатқанда, Дөнесов Айдос оны сурет салу арқылы бейнелеп берді. Оқушыларымыздың мәнерлеп оқыған өлеңдері құлаққа жағымды, әрі тыңдаушыны ерекше бір күйге бөледі.

         Бұл кешті өткізуіміздің негізгі мақсаты: өскелең ұрпақты поэзия әлемімен сусындатып, ұрпағымыздың рухын асқақтатып, қазақ тіліне деген құрметін арттыру. Іс-шараны өткізгенде  бір байқағанымыз ,әрбір өсіп келе жатқан

оқырмандар, ұмытылып бара жатқан ақындарымыздың өлеңдерін мәнерлеп оқу барысында, өздерінің бойындағы асыл қасиеттерін сыртқа ашып, қазақ жазушыларының болашақ ұрпақтарына қалдырған өшпес мұраларын 

бізге жалпақ тілмен жеткізе білді. Отанына еңбек сіңірген қайраткер, тұлғаларымыздың есімдері алтын әріппен жазылып тұрғанын тағы бір дәлелдеп берді. Міне, осындай іс-шараларды үнемі өткізіп отыру, әрбір студенттің ойлау

қабілетін аша білуіне септігін тигізеді. Сондай-ақ жастардың бір-біріне деген

бауырмалдығын  арттырып, қандай жағдай болмасын бір-бірлеріне адал, шыншыл , қайырымды, отансүйгіштік қасиеттерін дамыта түседі. Поэзия- адамның ішкі жан дүниесін, ойын анық жеткізе білуге жетелейді.